Адилә Гыйзетдинова

Адилә Гыйзетдинова, Мөслим лицее

 

АП-АК КАРЛАР ЯВА МӨСЛИМДӘ

Бар дөньяны күмеп яктылыкка

Ап-ак карлар ява Мөслимдә.

Шушы матурлыкка сөенепме,

Шигырь туа минем күңелемдә.

 

Бер-бер артлы карлар бөтерелеп,

Җайлап кына җиргә төшәләр.

Әйтерсең лә алар чын кешеләр

Шаярышып-уйнап көләләр.

 

Сөенә-сөенә җирне нурга күмеп,

Бар җиһанга бәхет телиләр,

Гүя алар безгә чын йөрәктән

«Туган якның кадерен бел!» – диләр.

 

Бар дөньяны күмеп яктылыкка

Ап-ак карлар ява Мөслимдә.

Кышны шулай өзелеп сөйгәнгәме,

Бер рәхәтлек тоям күңелдә.